Dard bhare SMS in Hindi

Chand chamka na mere saath savera nikla

Raat ki oot se beemar andhera nikla

Phir mere dil pe udaasi ne kia hai qabza

Phir teri aaas ke haaton se basera nikla

Teri tasveer pe rakhi thi na jane kab se

Main ne jab aankh othai tu sitara nikla

Aag guldaan mein titli ke paroon tak pohanchi

Ya kisi phool ke haathon se sharara nikla

Zindagi, dard, saraboon ke safar, dukh abaad

Mere ghar mein tha jo samaan tumhara nikla

Oss ne palkoon ko jhukaya tu hoi shaam tamam

Oss ke zulfoon ko hatate hi savera nikla

Phir wohi subh e bala khaiz, woh sifaak si shaam

Phir mere dasht ke haathon se kinara nikla

Teri gali mein jab Deewane aayein ge

Teri gali mein jab Deewane aayein ge

Teri gali ki khaak uraane aayein ge

Aik safar ho ga anjaan jaziroon ka

Tum ko mere khawab bulane aayein ge

Roz yeh kehna cholha jalta choor aayi hoon

Kab tum ko maqool bahane aayein ge

Jungle mein sanatey kis ne bikhraye

Jugnoo mujh ko raaz batane aayein ge

Jis ne koi beej ogaya miti se

Panchi oss ko geet sonane aayein ge

Ham ko aakhir zakhm khurachna kab aaye ga

Kab ham par aasan zamane aayein ge

Broken Heart Love Shayari in Hindi

Neyi kahani sona raha hoon

Main dar se dastak otha raha hoon

Chiragh koi naheen muyasar

So kaam dil se chala rahha hoon

Taveel raaton ki dastanein

Main rastoon ko sona raha hoon

Osse muhabbat naheen hoi thi

Yeh baat khud ko bata raha hoon

Purane qisey ulajh rahe hain

Neye bahane bana raha hoon

Woh aane wala naheen hai wapis

Jise main wapis bola raha hoon

Poetry About Life

Ulajta hi ulajta ja raha hai

Mera hona hi mera maslah hai

Mere mathey pe boosa sabt kar deih

Mere andar andhera ho raha hai

Teri yaadein bikharti ja rahi hain

Ke mujh mein shor barhta ja raha hai

Musalsal ho rahi hai noha khawani

Mere andar koi matam sara hai

Yahan taboot thande ho rahe hain

Yahan har waqt girya ho raha hai

Hamari bastiaan oondhi pari hain

Tumhara shehar tu acha bhala hai

Tu kion weeran ho jayein na ham tum

Hamein tu pyar bhi aadha mila hai

Tere hontoon ko choo ke dekhne ka

Erada hai magar toota hoa hai

Yahan seene mein bayein haath Kaami

Koi paoon ragarta ja raha hai

Apne dil se Agar nikal mujhe

Apne dil se Agar nikal mujhe

Tu kisi or dukh mein daal mujhe

Ya tu kar de jala ke mujh ko raakh

Ya kisi roshni mein dhaal mujhe

Mera apna badan gira mujh par

Mere malbe se abb nikal mujhe

Dekh totey hoye hain paoon mere

Apni banhoo mein le, sanbhal mujhe

Sach kaho! kia diya muhabbat ne

Tu ko be chainiaan, malal mujhe

Be sabati ne khoob shor kiya

Jab bhi aaya tera khial mujhe

Woh mere Dil se hijrat kar raha hai

Ajab mushkil muhabbat kar raha hai

Woh mere Dil se hijrat kar raha hai

Samajhta hoon main khud ko or tanha

Woh kehta hai muhabbat kar raha hai

Abhi kuch dair palkein mat jhapakna

Koi lamha ebadat kar raha hai

Tumhare pyar ka zakhmi sipahi

Muhabbat ki hifazat kar raha hai

Tumhari surmageen aankhon ka jadoo

Bapa dil par qayamat kar raha hai

Woh ek din aasman par urr sake ga

Parindoo ki jo khidmat kar raha hai

Tumhari Aankh se Jugnoo gira tha

Akaila tha akaila aa geya hai

Hawa ki zad pe aisa aa geya hai

Tumhari Aankh se Jugnoo gira tha

Hatheli par sitara aa geya hai

Woh mujh par saibaan kab tak banate

Parindoo ka thikana aa geya hai

Sona hai aaine ke samne phir

Koi pagal parinda aa geya hai

Tum apne dil se mujh ko mat nikalo

Mujhe sehra mein rehna aa geya hai

Koi deewar oonchi ho rahi hai

Mere aangan mein saaya aa geya hai

Tum mujhe Dard dene Aaye ho

Shaam hai dil udaas bhi hai bohat

Yeh udaasi ke raas bhi hai bohat

Tum mujhe Dard dene Aaye ho

Dard tu mere pass bhi hai bohat

Hamare dil mein Rehna naheen hai Shayad

Deewar o dar se abb tak jaley naheen hataye

Tum ne, Hamare dil mein Rehna naheen hai Shayad

Hairat se dekhti ho deewangi ko meri!

Tum ko kisi ne pehle chaha naheen hai shayad

4 Lines Shayari in Urdu

Tere taaluq ki sar zameen par main khud ko abaad kar raha hoon

Sanaye Rab e Raheem parh kar, parind azaad kar raha hoon

Mere junoo ko barhawa deti tumhari khawahish ki lau salamat

Main geet gaata hoon koh kun ka, main khud ko farhad kar raha hoon

Best Urdu Poetry of 2013

Parindoo ka thikana ho geya hai

Shajar kitna suhana ho geya hai

Koi jugnoo duwaon mein neha kar

Muhabbat ko rawana ho geya hai

Mere saare badan mein phail jao

Mera saaya purana ho geya hai

Woh ghar se roshni le kar chala tha

Jo nafrat ka nishana ho geya hai

Dhare hain taaq mein thande andhere

Diya dekhe zamana ho geya hai

Famous Poetry

Yaar kis ne sanbhal rakhe hain

Ham jo totey hoye khilone hain

Raat, saaye, chiragh, sanatey

Ham se kia kia sawaal karte hain

Yeh jo tere baghair din guzra

Ham esse raigan samajhte hain

Zindagi, zindagi ko khati hai

Dairey, darioon mein khulte hain

Barh rahe hain samandron ki taraf

Daikh darya bhi kitne piase hain

Dhoop dhalne lagi hai raste ki

Or saaye taveel hote hain

Koi or Bhi hai Urdu Poetry

Tum ne shayad theek kaha tha mujh mein koi or bhi hai

Uljha uljha, suljha suljha mujh mein koi or bhi hai

Or bhi hai koi mere andar, gehra neela, raat zadah

Gehra neela, raat ke jaisa, mujh mein koi or bhi hai

Tum ne mujhe mein dhonde panchi, khawab, khilone or bachpan

Dhoop mein jalte sehra jaisa, mujh mein koi or bhi hai

Kon hai yeh jo rook raha hai mujh mein utarne se tujh ko

Tujh mein koi or hi hai ya mujh mein koi or bhi hai

Yoon tu dikhai deta hoon main, aik muhazib aadam zadah

Zakhmi, wehshi or barhana, mujh mein koi or bhi hai

Hindi Love Sms Shayari 2013

Yeh aik dasht faqat mujh ko paar karna hai

Phir oss ke baad neye panion pe chalna hai

Yeh aik dasht ke nazaan hai apni wussat par

Esse bhi la ke yahan par kisi ne rakha hai

Yeh daftaron ke bahane, yeh bheer bhaar, yeh ham

Mujhe tu khail yeh saara ajeeb lagta hai

Main ess ko dekh tu sakta hoon, choo naheen sakta

Jo waqt samne mere guzarta jata hai

Zara si baat hai, par baat ko samajh lejiye

Hamare khawab ke bahir bhi aik dunia hai

Essi pe hashar othana hai aik din mujh ko

Yeh jo khala mein ghubara barang e neela hai

Udaas Shayari in Urdu

Rothe hoye gul ko bhi ek baar tu dekh aayein

Jate hoye gul ko bhi ek baar tu dekh aayein

Nikhre hoye gul ko tu dekha hai zamane ne

Bikhre hoye gul ko bhi ek baar tu dekh aayein

Ek phool hai khawabida jaage hoye gulshan mein

Soye hoye gul ko bhi ek baar tu dekh aayein

Aae yaar ujara hai gul chain ne chaman apna

Totey hoye gul ko bhi ek baar tu dekh aayein

Haans haans ke tu dekha hai ek umar se phoolon ko

Rote hoye gul ko bhi ek baar tu dekh aayein

Main khawab ho kar na Toot jaoon

Woh kaash aa kar bikharti dharkan pe haath rakh kar sanbhale mujh ko

Main khawab ho kar na Toot jaoon, woh apni aankhon mein dhale mujh ko

Main chahaton ki siraab mein hoon, ghamoo ke kale hijaab mein hoon

Or apni aankhon se sab umeedein nikal kar bhi azaab mein hoon

Ajeeb wehshat hai zulmatoo ki ke hosh mein badhawas mein hoon

Jise muyasar na jism aaya woh lapata sa libaas mein hoon

Main jitni bhi maang loon duawein haan jitne bhi istikhare kar loon

Main jaanta hoon na mil sake ga tu kion main aankhon mein khawab bhar loon

Ek oss ki chahat mein, main tu Shahbaz apni hasti bhi kho chuka hoon

Mera tu kuch bhi naheen hai baqi sirapa oss ka main ho chuka hoon

Aashna Dard se hona tha

Aashna Dard se hona tha, kisi toor hamein

Tu na mila hota, tu kisi or se bichare hotey

Main ne Raat ek khawab buna Tha

Main ne Raat ek khawab buna Tha

Ek mudat ke baad buna tha

Jeevan ki ess rah pe tanha

Main ne dekha door ek taara

Chahat kar pur noor sitara

Or main oss ke haath ko thamey

Sundar tanha raat ko thamey

Jab main oss ko chone chali thi

Oss raste par chal nikli thi

Andhiare mein thokar kha kar

Neend se meri aankh khuli tu

Main ne khud ko tanha paya

Main thi or tha mera sayaa

Woh taara tu door bohat tha

Woh bhi tu majboor bohat tha

Neend se meri aankh khuli tu

Sundar sapna toot geya tha

Haath se taara choot geya tha

Wafa ko Khawabon ka Naam daih do

Tumhein meri baat yaad ho gee

K main ne tum se yehi kaha tha

Wafa ko Khawabon ka Naam daih do

Faqat ghulaboon ka naam daih do

Mita do meri muhabbaton ko, bhula do meri muhabbaton ko

Bhula do saare khial woh jo

Kabhi hamari udaas aankhon mein

Khawab ban kar utar rahe they

Udaas aankhon ke rutjagoo se guzar rahe they

Magar meri baat tum na maney

Tu aaj dekho

Tumhari aankhon mein kitne sadmaat pal rahe hain

Tumhari aankhon mein kitne naghmat jal rahe hain

Yeh rah tum ne pasand ki thi

Tu aaj gumnaam manziloon ka pata bhi tum ko batana ho ga

Yeh dil kaheen pe lagana ho ga

Huzoor! ham ko bhulana ho ga

Ek nazar aae Khuda hatheli par

So geyi hai dua hatheli par

Ek nazar aae Khuda hatheli par

Woh bhi taqdeer se gurezan thi

Main bhi takta raha hatheli par

De geya umar bhar ke andhiare

Aik bujhta diya hatheli par

Keh geya kitni an kahi baatein

Phool rakha hoa hatheli par

Kho geya mukhtalif lakiroon mein

Jab bhi aansoo gira hatheli par

Zindagi ke zaeef lamhoon ko

Yoon na saathi saja hatheli par

Dekh tanveer apni aankhon se

Apne Rab ki Ataa hatheli par

Hijar mein Khoon rulate ho

Hijar mein Khoon rulate ho, kahan hote ho?

Laut kar kion naheen aate ho, kahan hote ho?

Jab bhi milta hai koi shaks baharoon jaisa

Mujh ko tum kaise bhulate ho kahan hote ho?

Yaad aati hain akaile mein tumhari neendein

Kis tarhan khud ko sulate ho kahan hote ho?

Mujh se bichre ho tu mehboob e nazar ho kis ke

Aaj kal kis ko manate ho kahan hote ho?

Shab ki tanhai mein aksar yeh khial aata hai

Apne dukh kis ko sonate ho kahan hote ho?

Mausam e gul mein nasha hijar ka barh jata hai

Mere sab hosh churate ho kahan hote ho?

Sard raaton mein tumhein kaise bhula sakta hoon

Aag si dil mein lagate ho kahan hote ho?

Tum tu khushboo ki rafaqat ke liye bichre they

Abb agar ashk bahate ho kahan hote ho?

Shehar ke log bhi Wasiq yehi karte hain sawaal

Abb bohat kam nazar aate ho kahan hote ho?

Apne dil ko Ujalna tha

Tumhari aankhon ki kehkashaon mein

Apne dil ko Ujalna tha

Wisaal rut ke hinai mausam mein

Ess badan ko jamalna tha

Or apni khawahish ko pa bajolan

Tumhari khawahish mein dhalna tha

Abhi tu main ne

Yaqeen ka mausam sanbhalna tha

Tumhare lafzoon ki roshni mein

Khial apna khialna tha

Abhi tu main ne

Khush aitabari ke rastoon par bhi

Apne qadmoo ko dalna tha

Tumhare haathon mein haath de kar

Naye jahan ko wisalna tha

Abhi tu main ne .........

Tum meri Aakhri Muhabbat ho

Read Beautiful Urdu Shayari about muhabbat (Love). You will really like this fabulous and awesome shayari in urdu.

Zindagi bhar main ek safar mein raha

Khawahishon ke haseen nagar mein raha

Main ne mana ke tere dhoke mein

Mahjabinoo ko main ne chaha hai

Haan magar onn haseen chehroon mein

Umar bhar tera aaks dhonda hai

Or meri koi talab hi naheen

Bus tmhari mujhe zaroorat hai

Tum se mil kar mujhe hoa aihsaas

Zindagi kitni khoobsurat hai

Husn jitna bhi hai jahan bhi hai

Mujh ko sab kuch fareb lagta hai

Mujh ko sab kuch fazool lagta hai

Tere qadmoo ki dhool lagta hai

Meri aankhon se gar koi dekhe

Jaan e jaan tum hi khoobsurat ho

Thi tumhari hi bus talash mujhe

Tum meri jaan pehli chahat ho

Tum meri Aakhri Muhabbat ho

Ishq hai Afat o Bala tu naheen

Ishq hai Afat o Bala tu naheen

Ess ka maraa koi jiya tu naheen

Poochta kia hai haal dil ka mere

O mian tujh se kuch chupa tu naheen

Tu jo oss ki gali mein jata hai

Kaheen aae dil teri fiza tu naheen

Yeni aashiq ho or harjaee

Abb talak ham ne yeh sona tu naheen

Yoon jo tu monh phailaye baitha hai

Kion mian mujh se kuch khafa tu naheen

Batt par oss ki main jo bola kia

Kaha kuch zikar aap ka tu naheen

Kis tarhan sajda kejiye oss ko

Hai woh but, but hi kuch Khuda tu naheen

Dard ke Silsile tum ne Dekhe naheen

Dard ke Silsile tum ne Dekhe naheen

Meri jaan rutjage tum ne dekhe naheen

Tum ne dekhe hain phoolon bhare rastey

Jin pe bus khaar they tum ne dekhe naheen

Jitne aansoo tumhare liye they woh sab

Beh geye aankh se tum ne dekhe naheen

Ek tumhare na hone se guzre hain jo

Shehar mein sanihe tum ne dekhe naheen

Din mein zulm o sitam jo hoye so hoye

Shab mein kia kia hoye tum ne dekhe naheen

Tum ne shakhoon par patoon ko dekha sadaa

Shaakh se toottey tum ne dekhe naheen

Choor jao ge phir bhi jiye jayein ge

Hosle Meer ke tum ne dekhe naheen

Meri Qismat chupa rakhi Hia

Bohat hi chanchal ho tum

Ke muthi ko band kar ke yeh poochti ho

Main maan jaoon agar bata doo

Ke meri muthi mein kia chupa hai

Mujhe tu maloom hai haqeeqat

Magar main mehfil mein kaise keh doon

Ke tum ne apni haseen muthi mein

Meri Qismat chupa rakhi Hia